FLY DUBAI YAZINDUA SAFARI ZAKE RASMI NCHINI

Fly Dubai yazindua rasmi safari zake nchini

Waziri wa Nchi, Ofisi ya Makamu wa Rais (Muungano) Mhe. Samia Suluhu (Mb.) ameupongeza Uongozi wa Shirika la Flydubai la Dubai kwa kuanzisha safari za ndege za moja kwa moja kati ya Dubai na Dar es Salaam, Kilimanjaro, Mwanza na Zanzibar kwa gharama nafuu.

Akizindua huduma hiyo kwa niaba ya Makamu wa Rais, Dkt. Mohamed Gharib Bilal, jijini Dar es Salaam, Jumatano tarehe 22 Oktoba, 2014, Mhe. Suluhu alimwambia Makamu Mkuu wa Shirika la Flydubai, Bw. Sudhir Sreedharan, kuwa kuja kwao Tanzania kutafungua njia za kiuchumi na nchi nyingine za Kiafrika.

Alisema kuanzishwa kwa huduma hiyo pia kutatoa fursa ya ajira kwa watanzania, na akawahimiza wananchi kuchangamkia fursa hizo. Shirika hilo, ambalo ndege zake zina bei nafuu- kutokea Dar es salaam kwenda dubai na kurudi (DSM-DXD-DSM) kwa bei ya dola za Kimarekani 399 tu (budget Airline) litafanya safari zake kati ya Dar es salaam, KIA na Zanzibar. Baadae, shirika hilo litaongeza safari zao kutokea Mbeya kuelekea Dubail.

Katika hafla hiyo ya uzinduzi iliyoandaliwa na shirika la Flydubai kwenye Uwanja wa Ndege wa Kimataifa wa Julius Kambarage Nyerere, Mhe. Suluhu aliipongeza Wizara ya Mambo ya Nje na Ushirikiano wa Kimataifa, kwa kuratibu uanzishwaji wa safari za bei nafuu kupitia kwa Balozi Mdogo wa Tanzania nchini Dubai, Mhe. Omar Mjenga, ambaye alihudhuria hafla ya uzinduzi.

Baada ya Dar es Salaam, hafla nyingine ya uzinduzi ilifanyika Zanzibar baadaye hiyo jana, Mgeni rasmi alikuwa Makamu wa Pili wa Rais wa Serikali ya Zanzibar, Balozi Seif Ali Iddi. 

Ndege ya Shirika la Ndege la Fly Dubai ikiwasili Uwanja wa Ndege wa Kimataifa wa Julius Kambarage Nyerere ikiwa katika uzinduzi wake uliofanywa na Waziri wa Nchi, Ofisi ya Makamu wa Rais (Muungano) Mhe. Samia Suluhu, Ndege hiyo itafanya safari zake za moja kwa moja kutokea Dubai mpaka Dar es Salaa, Kilimanjaro, Mwanza na Zanzibar.

Watatu kutoka kushoto ni Waziri wa Nchi, Ofisi ya Makamu wa Rais (Muungano) Mhe. Samia Suluhu, na wapili kutoka kushoto ni Balozi mdogo wa Tanzania, Dubai Mhe. Omar Mjenga, wakwanza kushoto ni Spika wa Bunge Mstaafu Mhe. Pius Msekwa na wakwanza kulia ni Bajeti meneja wa Fly Dubai wa nchini Tanzania Bw. Riyaz Jamal wakiitazwa Ndege ya Fly Dubai ilipokuwa inawasili.

Waziri wa Nchi, Ofisi ya Makamu wa Rais (Muungano) Mhe. Samia Suluhu akisalimiana na Makamu wa Mkuu wa kampuni hiyo, Sudhir Screedharan mara baada ya kuwasili na Ndege hiyo katikati ni Bajeti meneja wa Fly Dubai Tanzania Bw. Riyaz Jamal.

Mkurugenzi wa Idara ya Mashariki ya Kati Balozi Simba Yahaya akisalimiana na Bw. Screedharan

Balozi Mdogo wa Tanzania, Dubai Mhe. Omar Mjenga akisalimiana na Bw. Screedharan

Mhe. Suluhu akizungumza katika hafla ya uzinduzi wa Ndege hiyo itakayoanzisha safari zake moja kwa moja kutokea Dar es salaam mpaka Dubai

Wakwanza kushoto ni Bw. Shabani Baraza akimwakilisha Balozi wa Tanzania UAE, wa pili kutoka kushoto ni Mkurugenzi wa Kituo cha Biashara katika Ubalozi Mdogo wa Tanzania, Dubai, Bw. Cleophas Luhumbika Watatu kutoka Kushoto ni Afisa Mambo ya Nje Bw. Hangi Mgaka pamoja na wajumbe wengine wakimsikiliza Mhe. Suluhu

Makamu Mkuu Bw. Screedhana (wakwanza kulia), wa kwanza kushoto Balozi Mdogo Mhe. Mjenga na (katikati) ni Bw. Riyaz Jamal wakimsikiliza Mhe. Waziri alipokuwa akizungumza.

Makamu wa Mkuu wa kampuni hiyo, Sudhir Screedharan akizungumza katika hafla hiyo mara baada ya uzinduzi wa safari za Ndege ya Shirika lake la Fly Dubai, alisema safari za ndege zao zinatumia ndege mpya za kisasa aina ya Boeing zipatazo 100.

Wajumbe mbalimbali wakimsikiliza Bw. Screedharan alipokuwa akizungumza

Balozi Mdogo wa Tanzania, Dubai akizungumza na kuushukuru uongozi wa Fly Dubai kwakukubali kuanzisha safari za moja kwa moja kutokea Dar es salaam mpaka dubai, Mhe. Mjenga alisema kwa kuanza kwa safari ya ndege hiyo inategemewa kuongezeka kwa idadi ya Watalii nchini kutokea Milioni 1 kwa mwaka mpaka Milioni 2, fursa za ajira kwa Watanzania.

Sehemu ya wajumbe wengine wakimsikiliza Balozi Mdogo.

Picha ya pamoja

KUTOKA FACEBOOK SIRI ZA UKAGUZI WA MAHESABU ZAVUJA CHADEMA. :- HABIBU MCHANGE AWACHANA LIVE

Habib Mchange

13 hrs · 

CAG tayari amekamilisha ripoti ya ukaguzi Wa mahesabu ya vyama vya siasa. CHADEMA wao wamepata hati yenye mashaka. Leo wamefanya press conference kuzungumzia hati hiyo na kudai eti wanaiweka wazi

.

Miezi kadhaa nyuma chadema Hawa Hawa walikataa na kusema wameshakaguliwa. Kweli Njia ya muongo fupi.

Kutolewa kwa mahesabu na kupewa hati yenye mashaka kunathibitisha uhalali, ukweli na uwajibikaji Wa mwenyekiti Wa PAC Zitto Kabwe ambaye alisema lazima vyama vyote vikaguliwe.

Sasa wamekaguliwa na Leo wanajihami kukutana na kamati ya PAC tarehe 28 mwezi huu...

Hili ni somo lengine kati ya masomo mengi niliyojifunza kuhusu uzalendo Wa ZZK.

Jamaa zangu wanahaha kwa aibu ya mahesabu mabovu.

‪#‎NaBado‬

Habib Mchange

LikeLike ·  · Share

• Frank Masanja, Medard Sotta, Humphrey David Peter Sizya and 28 others like this.
• 
  

IPTL YAIGALAGAZA STANDARD CHARTERED MAHAKAMANI

Na Mwandishi Wetu

MAHAKAMU Kuu ya Tanzania, imekataa maombi ya Benki ya Standard Chartered ya Hongkong dhidi ya Kampuni ya IPTL kutokana na maombi yao kutokidhi mahitaji ya kisheria.

Uamuzi wa mahakama hiyo, ulitolewa na Jaji wa Mahakama hiyo, Salvatory Bongole alisema anayatupa maombi hayo kwa dhidi ya Kampuni hiyo kwa kuwa yamekosa uhalali wa kisheria japokuwa maelezo yao yanavutia.

Benki hiyo iliomba Mahakama Kuu isisikilize kesi hiyo hadi pale washitaki watakapoweka sh. bilioni 787 kama gharama ya kesi hiyo dhidi ya ya kampuni ya IPTL

“Nina kiapo cha (Wakili Gasper) Nyika na nyaraka alizowasilisha ingawa zinavutia lakini zimekosa uhalali wa kisheria,na hivyo ninayakataa maombi haya” alisema Jaji Bongole.

Uamuzi wa Mahakama ulitokana na upande wa utetezi kushindwa katika maombi yao, mahakamani hapo kuwekewa malipo ya fedha za gharama kabla ya kusikilizwa kesi hiyo dhidi ya IPTL.

Kwa mujibu wa Jaji Bongole alisema kulikuwa hakuna ushahidi uliotosheleza kuonyesha kuwa kampuni ya VIP haina mali nyingine zinazoweza kufikia gharama za kesi dhidi ya mlalamikaji endapo ataibuka mshindi katika kesi kuu.

Jaji Bongole alisema maombi hayo yanaweza kukubaliwa kwa hiari ya mahakama, baada ya kujiridhisha kuwa mlalamikiwa hana uwezo wa kulipa gharama hizo baada ya kushindwa kesi.

Katika maombi yake, Wakili Nyika alitoa hoja kuwa Kampuni ya VIP ilikua inategemea 30% ya hisa zake ndani yake ya kampuni ya IPTL ambazo zimeuzwa na suala lake kisheria liko kwenye amri ya mahakama.

Jaji alisema kuwa baada ya kupitia hoja iliyowasilishwa amegundua kuwa hisa hizo bado zipo na hakuna uthibitisho kuonesha kuwa VIP haina rasilimali ya kulipa gharama hizo, wakati wa kusikiliza maombi hayo Kampuni ya VIP iliwakilishwa na na timu ya mawakili wakiwemo Cathbert Tenga, Michael Ngalo, Respicious Didace, Okare Emesu na Herin Manento.

Mawakili hao walidai faraja iliyokuwa ikitafutwa na walalamikaji haikuwa na mashiko kisheria na hoja zote zilizowasilishwa kortini ni sawa na kutuhumu mahakama dhidi ya VIP kwa kutokua na uhakika pamoja na kutoa maamuzi ya hukumu ya kesi hiyo kabla haijaisha.

Kwa mujibu wa mawakili, walalamikaji waliwasilisha ombi hilo kwa makusudi na kuvuruga mchakato wakiwa na lengo la kuchelewesha mchakato wa mahakama kutoa hukumu ya madai halali ya mlalamikiwa.

Baada ya ombi hilo kukataliwa, Jaji aliagiza kuanza kusikilizwa kwa kesi kuu kwa mara ya kwanza kabla ya hukumu 6 Novemba, mwaka huu,ili kujiridhisha kama pande zote mbili zimewasilisha utetezi wao kabla ya kuanza majadiliano.

Kampuni ya VIP imezishitaki kampuni zote zilizowasilisha malalamiko pamoja na kampuni nyingine mbili Wartsila Nederland BV na Wartsila Tanzania Limited wakizidai Dola za marekani milioni 490.9 kwa udanganyifu, kuhamisha haki zake,na kuchafua kampuni yake na maslahi yake ndani ya IPTL.

Katika shitaka hilo mbali na kudai fidia ya fedha, Kampuni ya VIP inataka tamko kwamba kampuni yake na IPTL imepata hasara kubwa kutokana na tabia na vitendo vya walalamikiwa.

Mlalamikaji pia anataka mahakama itamke kwamba hakuna Benki wala wakala aliye mkopeshaji halali wa IPTL na kwamba walalamikiwa wamekuwa wakifanya udanganyifu, utakatishaji fedha, kuchafua kampuni, na unyonyaji, uhamishwaji fedha, na uhamishwaji wa mali za IPTL na VIP kama matokeo ya vitendo vyao.

Pia kampuni ya VIP imeitaka mahakama kuiagiza kampuni ya Wartsila kuendesha mradi wa gesi na mafuta mazito kwa ajili ya mradi wa Kampuni ya IPTL kwa gharama zisizozidi dola za marekani milioni 11.5 .

Kampuni ya VIP ilikua mmiliki wa asilimia 30 za IPTL wakati kampuni ya Mechmar ikimiliki asilimia 70, ambapo sasa kampuni hiyo inamilikiwa na kampuni ya PAP, baada ya kuinunua kampuni hiyo.

SOURCE: MAJIRA,HABARI LEO,NA JAMBO LEO

IPTL YAZIDI KUTAKATA MAHAKAMA YAAMURU IPTL ISIBUGHUZIWE

Katibu na Mwanasheria mkuu wa kampuni ya ufuaji umeme ya IPTL, Bw. Joseph Makandege akiwaonyesha waandishi wa habari (hawapo pichani) nakala ya hukumu iliyotolewa na mahakama kuu ya Tanzania ikizuia benki ya Standard Chartered ya Hong Kong na Tanesco kuendelea kuwabugudhi wamiliki wa IPTL na kuingilia uendeshaji wa mitambo yake. Kushoto ni Meneja Rasilimali watu wa IPTL Bw. Aidan Kaude

Mahakama Kuu ya Tanzania imeiamuru Benki ya Standard Chartered ya Hong Kong na Shirika la usambazaji Umeme Tanzania (TANESCO) kuacha kuingilia utulivu, umiliki, usimamizi na utawala wa mitambo ya ufuaji umeme ya Harbinder Singh Sethi iliyopo Tegeta,na kusubiri uamuzi wa mwisho wa kesi yao ya msingi.

Hukumu hiyo iliyotolewa jana Dar es salaam na mahakama Kuu kutoa zuio la kudumu kwa benki ya standard Chartered kuhusu umiliki wa IPTL na kwamba zuio hilo na PAP ndiye mmiliki halali wa IPTL na siyo wengine wowote.

Akizungumza na waandishi wa habari Mwenyekiti na mtendaji wa PAP/IPTL,Seth alisema kuwa hukumu hiyo inaeleza kuwa IPTL iendelee kuzalisha umeme kama ilivyokuwa inafanya na kuwauzia TANESCO huku mmiliki halali akiwa ni PAP.

“tunapenda kuwakumbusha watanzania kwamba PAP/IPTL imejizatiti kikamilifu kuhakikisha inawahudumia ipasavyo na kwamba inawataka wapuuze watu wanaotoa maneno ya uongo ili kuwavuruga utendaji na utoaji huduma alisema Seth”

Aliongeza kuwa kumekuwepo na maneno mengi yanayotokana na kutokuwa na uelewa mzuri kwa wanayoyasambaza kutokana na chuki za kibiashara na mengine yanayotakana na kutafuta sifa za kisiasa,alisema taarifa ambazo zimekuwa zikitolewa mara kwa mara kuhusu IPTL kuwa na mgogoro na TANESCO mahakamani siyo kweli na wala hawana shida yoyote mahali popote duniani.

Kampuni ya Independent Power Tanzania Limited na Pan African Power Solutions Limited (PAP)  zilifungua kesi kwa kuhoji uhalali wa maamuzi ya kituo cha kimataifa cha kutatua migogoro ya uwekezaji (ICSID) dhidi ya Benki ya Standard Chartered ya Hong Kong (SCB-HK) na Martha Renju anayedaiwa kuwa msimamizi wa mali zake,ijukanayo kama “Decision on Jurisdiction and Liability” iliyotolewa katika kesi ya ICSID namba ARB/10/20.Katika hukumu hiyo yenye ukurasa 16 iliyoandikwa na Jaji Dkt.Fauz  Twaib na kusomwa kwa niaba yake na Jaji Amri Msumi Hamisi, Mahakama Kuu iliwazuia SCBHK au TANESCO kuendelea kuwabughuzi IPTL/PAP zinazomilikiwa na Seth mpaka pale uamuzi wa mwisho wa kesi yao ya msingi itapoamuliwa .

Katika hukumu hiyo iliyotolewa na mahakama mbele ya Bw.Sethi mmiliki wa IPTL/PAP na Kieren Day (Mkurugenzi wa SCB-HK), Jaji Twaibu aliamuru TANESCO kutofanya biashara yoyote na SCB-HK au Martha Renju kwa niaba ya IPTL/PAP bila ya kuwa na idhini ya kimaandishi kutoka kwa IPTL/PAP.

“wadaiwa kwa pamoja wanazuiliwa kufanya utekelezaji wa maamuzi yaliyotolewa katika chombo cha kimataifa ya ICSID yenye namba ARB/10/20 na kusambazwa kwa wahusika February 12,2014 kwa namna yeyote ile na kusubiri uamuzi wa mwisho wa kesi yao ya madai” inasomeka sehemu ya hukumu hiyo.

TANESCO ambayo iliwakilishwa na wakili wake Urassa, pia imezuiliwa kutolipa kwa SCB-HK na Martha Renju malipo yoyote wanayostahili  IPTL/PAP bila ya idhini ya maandishi kutoka kwa IPTL/PAP.

Mahakama  pia imezuia TANESCO kutotekeleza au kukubaliana na au kuyatekeleza maamuzi ya ICSID na kusubiri uamuzi wa mwisho wa kesi yao ya msingi. Jaji Dkt Twaib alitupilia mbali hoja ya mwanasheria wa SCB-HK,Charles Morrison ambaye alisema kuwa mahakama Kuu ya Tanzania haipaswi kusikiliza na kutoa maamuzi juu ya ombi hilo sababu Tanzania ni mwanachama wa kituo cha kimataifa cha kutatua migogoro ya uwekezaji (ICSID) ambayo pia inajulikana kama Washington Convention au ICSID.

Kwa mujib Jaji Dkt.Twaib, Wakili Morrison alionya kuwa kama Tanzania haitotii wajibu huo,itajiweka sehemu mbaya katika Nyanja za kimataifa “kwa heshima kubwa, nashindwa kuona mantiki ya utetezi wa Morisson ya jinsi gani litaathiri mamlaka ya mahakama hii ya kukubali ombi hili. Japokuwa Morrison amekwepa kusema moja kwa moja,maoni yake yamelenga kusema kwamba mahakama hii haina mamlaka ya kutoa amri husika.

“Ninashindwa kuelewa ni jinsi gani Serikali ya Tanzania,ambayo ni sehemu ya kesi hii,itakuwa imevunja mkataba wa Washington kwa sababu wananchi wake  wawili  ambao ni wafanyabiashara binafsi wametafuta amri ya kuzuia utekelezaji wa ICSID kwa misingi ya udanganyifu. Sioni ni jinsi gani,kwa kutumia mamlaka yake katika kutoa maagizo yao mamlaka itakuwa inaingilia majukumu ya kimataifa ya Tanzania chini ya mkataba wa Washington inasomeka hukumu ya Jaji Twaib.

Sababu ya pili ya Bw.Morissin ya kuona mahakama isikubali ombi hilo ilikuwa kwamba madai hayo yanaweza kuwa yametolewa miaka mingi iliyopita wakati kesi ya ICSID ilipoanza na kubainisha kuwa hii ni kesi iliyokufa (tort case) ingekuwa imefanyiwa kazi ndani ya miaka mitatu ya tarehe ile ile.

Jaji Twaib alitupilia mbali hoja hiyo kwa kusema “kwa heshima kubwa kwa Bw.Morrison hoja hii haina nguvu ya kisheria.kama ilivyosemwa na Mwanasheria wa waombaji (Bw.Joseph Makandege na Bw.Melkezedek Lutema) madai hayo yanatoa changamoto kwa uamuzi wa ICSID ambayo ulitolewa mwezi Februari,2014,haiwezi ukasemwa imepitwa na wakati .Ninatupilia mbali pingamizi hilo”

Kuhusu ombi kuwa shauri hilo lisikilizwe katika mahakama ya Hong Kong na fedha zote zipelekwe huko,wanasheria wote, Makandege na Lutema walisema litakuwa si kutenda haki kwa mteja wao,kwakuwa kuna kiasi kikubwa cha fedha kinahusika,ambayo itakuwa vigumu kuirejesha na kuwa itakuwa vigumu kwa IPTL/PAP kurejea katika hali yake kwa sababu SCB-HK ni ya nje na haina mali zozote kubwa Tanzania.

SOURCE: GAZETI LA MAJIRA TAREHE 02,OCTOBER,2014

PICHA:KWA HISANI YA TANZANIA DAIMA

JK AKIWA NEW YORK MAREKANI 

 President Jakaya Mrisho Kikwete greets Senator Chris Coons of Delaware who paid a courtesy call on him in New York in the sidelines of the UN General Assembly 

  President Jakaya Mrisho Kikwete invites  Senator Chris Coons of Delaware and Chairman of  Perdue Farms Mr Jim Perdue who paid a courtesy call on him in New York in the sidelines of the UN General Assembly 

 President Jakaya Mrisho Kikwete in talks with  Senator Chris Coons of Delaware and Chairman of  Perdue Farms Mr Jim Perdue and their delegation who paid a courtesy call on him in New York in the sidelines of the UN General Assembly 

 President Jakaya Mrisho Kikwete bids farewell to Senator Chris Coons of Delaware who paid a courtesy call on him in New York in the sidelines of the UN General Assembly 

 President Jakaya Mrisho Kikwete chats with President Zuma of South Africa and First Lady Bongi Ngema-Zuma during a reception of the occasion of 20 years of Freedom and Democracy of South Africa held at the River Club 447 in New York

  President Jakaya Mrisho Kikwete chats with President Zuma of South Africa and First Lady Bongi Ngema-Zuma during a reception of the occasion of 20 years of Freedom and Democracy of South Africa held at the River Club 447 in New York

 President Jakaya Mrisho Kikwete greets American civil rights activist and Baptist minister  Rev. Jesse Louis Jackson, Sr during a reception of the occasion of 20 years of Freedom and Democracy of South Africa held at the River Club 447 in New York

 President Jakaya Mrisho Kikwete chats with Mama Graca Machel when they met in Washington DC

 President Jakaya Mrisho Kikwete makes his keynote speech for the 3rd Bunengi African First Ladiues Discussion of Science, Technology, engineering and Mathematics (STEM) in New York

 President Jakaya Mrisho Kikwete makes his keynote speech for the 3rd Bunengi African First Ladiues Discussion of Science, Technology, engineering and Mathematics (STEM) in New York.STATE HOUSE PHOTOS

TPDC YAKANUSHA TAARIFA ZA UWONGO

                                                                               

Kuna taarifa zimeendelea kusambazwa kwenye mitandao ya kijamii zikiwa na maelezo kuwa:  " Serikali kupitia Shirika la Elimu Tanzania, TPDC kwa ushirikiano na kampuni za oil and gas, wanatarajia kuajiri vijana wapatao 500 katika sekta hii mpya Tanzania kuanzia mwezi Januari na Machi 2015, hivyo wameandaa crush program itakayoanza 6 Oktoba 2014. 

Walengwa ni vijana wenye elimu ya form 4 na form 6 ambao watasoma kwa miezi 6 na kupelekwa kwenye ajira  moja kwa moja baada ya kuhitimu!..kwa wale wenye elimu kuanzia diploma watasoma kwa miezi 3, kozi ya oil and gas management!...Ada kwa kundi la kwanza ni tshs 1,150,000 na kundi la pili ni Tsh 550,000. Kwa yeyote mwenye kuhitaji fursa hii akachukue fomu Shirika la Elimu Tanzania, application form ni Tsh 20,000 na deadline ni tarehe 30 Septemba 2014".

TPDC inapenda kuwaeleza Watanzania kuwa habari hizo si za kweli na kwamba TPDC haijafanya makubaliano yoyote na Shirika la Elimu kuhusu suala hilo. TPDC inawaasa Watanzania kuchukua tahadhari ya matangazo ya aina hiyo na inapotokea, tafadhali wasiliana nasi kwa namba za simu zilizooneshwa hapo nchini.

IMETOLEWA NA

KITENGO CHA MAWASILIANO,

SHIRIKA LA MAENDELEO YA PETROLI TANZANIA

BWM Pensions Towers, Tower A,

Junction of Azikiwe /Jamhuri Streets

P. O. Box 2774,

Tel: +255 22 2200103/4

Dar-es-Salaam, Tanzania

  MKUTANO MKUU WA BARAZA LA TAIFA LA USALAMA BARABARANI JIJINI ARUSHA LEO.

 Katibu wa Baraza la Usalama Barabarani ambaye pia ni Kamanda wa Kikosi cha Polisi Usalama Barabarani nchini, Mohamed Mpinga akizungumza na Wajumbe wa Baraza hilo kutoka mikoa yote nchini katika mkutano wa baraza hilo ambao unajadili masuala mbalimbali ya jinsi ya kupunguza ajali za barabarani nchini. Katikati ni Naibu Waziri wa Mambo ya Ndani ya Nchi na Mwenyekiti wa Baraza la Usalama Barabarani nchini, Pereira Ame Silima. Kulia ni Mwenyekiti wa Mafunzo na Uenezi wa Baraza hilo, Henry Bantu. Mkutano huo unaenda sambamba na Maadhimisho ya Wiki ya Nenda kwa Usalama Barabarani unafanyika katika hoteli ya Malaika Beach Resort jijini Mwanza leo.

 Naibu Waziri wa Mambo ya Ndani ya Nchi na Mwenyekiti wa Baraza la Usalama Barabarani, Pereira Ame Silima akizungumza na Wajumbe wa Baraza la Taifa la Usalama Barabarani kutoka mikoa yote nchini katika mkutano wa baraza hilo ambao unajadili masuala mbalimbali ya jinsi ya kupunguza ajali za barabarani nchini. Kulia kwa Mwenyekiti ni Katibu wa Baraza hilo ambaye pia ni Kamanda wa Kikosi cha Polisi Usalama Barabarani nchini, Mohamed Mpinga. Mkutano huo ambao unaenda sambamba na Maadhimisho ya Wiki ya Nenda kwa Usalama Barabarani unafanyika katika hoteli ya Golden Rose jijini Arusha leo.

Kipanya

TAZAMA PICHA NA TAARIFA YA CHADEMA KUFANYA MAANDAMANO

  Ofisa Habari wa Chadema, Tumaini Makene akimkaribisha Kigaila kuzungumza na wanahabari.

  Mwanasheria wa Chadema, John Malya akifafanua baadhi ya vipengere vya sheria kuhusu ruhusa ya kufanya maandamano.

  Mkurugenzi wa Oganaizesheni, Mafunzo na Usimamizi wa Kanda wa Chama cha Demokrasia na Maendeleo (Chadema), Benson Kigaila akionesha barua za kuomba vibali vya kufanya maandamano katika maeneo mbalimbali nchini.

  Mkurugenzi wa Oganaizesheni, Mafunzo na Usimamizi wa Kanda wa Chama cha Demokrasia na Maendeleo (Chadema), Benson Kigaila akisisitiza jambo kwa waandishi wa habari.

MKUU:WAZIRI MKUU MIZENGO PINDA AKUTANA NA MADAKTARI WA KUJITOLEA TOKA UJERUMANI MJINI SUMBAWANGA

  Mke wa Waziri Mkuu, Mama Tunu  Pinda akiwa amepiga magoti wakati alipowasalimia wakwe baada ya kuwasili nyumbani kwa Waziri Mkuu, Kibaoni mkoani Katavi  Septemba 20, 2014.

Waziri Mkuu, Mizengo Pinda akisalimiana na Madaktari  kutoka Ujerumani ambao wako kwa muda katika Hospitali ya Kristo Mfalme ya Mjini Sumbawanha ambayo inamilikiwa na Kanisa Katoliki. Madaktari hao wa kujitolea wanatibu magonjwa mbalimbali na kufanya upasuaji bure hospitalini hapo.  Kulia ni Askofu wa jimbo la Sumbawanga, Damian Kyaruzi.Mheshimiwa Pinda alifanya ziara hospitalini hapo Septemba 21, 2014.Picha na Ofisi ya Waziri Mkuu

Mfuko wa Pensheni (PSPF) umedhamini siku ya Msanii Tanazania itayoadhimishwa Oktoba 25 mwaka huu katika ukumbi wa Mlimani City.

Afisa Uhusiano Mwandamizi wa PSPF Bw. Abdul Njaidi  

---

Na Beatrice Lyimo- MAELEZO

 

Mfuko wa Pensheni (PSPF) umedhamini siku ya Msanii Tanazania itayoadhimishwa Oktoba 25 mwaka huu katika ukumbi wa Mlimani City kwa dhumuni la kuwapa mafunzo wasanii ili waweze kujikwamua kiuchumi.

 

Akizungumza na waandishi wa habari jana jijini Dar es Salaam, Afisa Uhusiano Mwandamizi wa PSPF Bw. Abdul Njaidi amesema kuwa kauli mbiu ya maadhimisho hayo ni “Sanaa ni kazi” ambayo itajumisha fani mbalimbali kama vile Taarabu, Muziki wa dansi, ngoma za asili na muziki wa msanii kutoka nje ya nchi.

PICHA:ONA ZIARA YA KATIBU MKUU WA CCM ABDULRAHMAN KINANA NA KATIBU WA NEC ITIKADI NA UENEZI NAPE NNAUYE CHALINZE

   Jengo la zamani la Kituo kidogo cha Polisi Mbwewe.

   Katibu Mkuu wa CCM, Kinana akiingia kwenye jengo la Kituo cha Polisi Mbwewe kuzindua ujenzi wa kituo hicho leo, Septemba 22, 2014, akiwa katika ziara ya kukagua na kuhimiza utekelezaji wa ilani ya CCM katika jimbo la Chalinze  mkoa wa Pwani.

   Katibu Mkuu wa CCM Kinana akichapia kushiriki ujenzi wa Kituo cha Polisi Miono

   Katibu Mkuu wa CCM Abdulrahman Kinana (kushoto) "akimsimamia' Mkuu wa mkoa wa Pwani, Mwantumu Mahiza, wakati akichapia jengo la Kituo cha Polisi Miono, jimbo la Chalinze mkoa wa Pwani.

   Katibu wa NEC Itikadi na Uenezi Nape Nnauye akishiriki ufyatuaji matofali kwa ajili ya ujenzi wa ofsi ya CCM Kaya  ya Kiwangwa, jimbo la Chalinze. Pembeni yake ni Kinana akishuhudia

Kipanya

Picha na Video:Ujenzi wa mradi wa umeme wa mitambo inayotumia gesi asilia iliyopo kinyerezi jijini Dar-es-Salaam, umekamilika kwa asilimia 70 huku manunuzi ya mitambo hiyo kutoka nje ya nchi ikiwa nayo imewasili nchini kwa asilimia 90, jambo linalotoa matumaini ya kuwa na umeme wa uhakika nchni.

Written by haki | // 0 comments

 Mitambo Miwili iliyofungwa katika kituo cha KINYEREZI ONE yenye uwezo wa kuzalisha Megawatt 150 za umeme utakaogawanywa katika sehemu mbili kuingia katika gridi ya Taifa, ikiwa ni kujenga msongo wa kilovolt 220 kwenda Kimara na kujenga laini ya msongo wa kilovolt 132 kwenda Gongo la Mboto, Kituo hiki kitagharimu Dola za Kimarekani Milioni 183.

 Baadhi ya mafundi wakiedelea na kazi ya kusuka Transfoma iliyopo katika eneo la Mradi Mbagala lenye MVA (MEGAVOLT-AMPERE) 50.

  Meneja wa Miradi, Usambazaji na Usafirishaji kutoka Shirika la Umeme Tanzania (TANESCO) Emmanuel Manderabona akiwaonesha waandishi wa habari (hawapo pichani) moja ya Transfoma iliyopo katika eneo la Mradi Mbagala lenye MVA (MEGAVOLT-AMPERE) 50. Kushoto ni Mkurugenzi Mkuu wa Shirika la Umeme Tanzania (TANESCO) Mhandisi Felchesmi Mramba.

  Mkurugenzi Mkuu wa Shirika la Umeme Tanzania (TANESCO) Mhandisi Felchesmi Mramba akiwaeleza waandishi wa Mikakati inayowekwa na shirika hilo ikiwemo kutekeleza miradi mbalimbali ya kuzalisha, kusafirisha na kusambaza Umeme ili kuhakikisha wanakabiliana na Tatizo la Umeme Nchini,wakati wa Ziara kwenye Mradi wa “Tanzania Energy Development and Access Program (TEDAP)”  unaotekelezwa katika maeneo ya Mbagala, Gongo la Mboto na Kinyerezi, Jijini Dar es Salaam.

  Mkurugenzi wa Idara ya Habari (MAELEZO) Bw. Assah Mwambene akiwaeleza waandishi wa habari kufurahishwa kwake na ziara hii iliyoratibiwa Wizara ya Habari, Vijana , Utamaduni na Michezo kwa kushirikiana na Shirika la umeme Tanzania (TANESCO) yenye lengo la kuona nini Shirika hilo linatekeleza katika jitihada za kukabiliana na Tatizo la Umeme Nchini.Kushoto ni Mkurugenzi Mkuu wa Shirika la Umeme Tanzania (TANESCO) Mhandisi Felchesmi Mramba.

  MKUU WA MKOA ARUSHA ALIPOZINDUA WIKI YA NENDA KWA USALAMA BARABARANI, KITAIFA JIJINI ARUSHA

 Washiriki wa maonesho, wananchi mbalimbali wakiwa katika maandamano ya kuadhimisha Wiki ya Nenda kwa Usalama Barabarani iliyozinduliwa katika Kiwanja cha Mpira wa Amri Abeid jijini Arusha jana. Mgeni rasmi ambaye ni Mkuu wa Mkoa wa Arusha, Magesa Mrongo aliyazindua maonesho hayo huku akiwataka madereva nchini wawe makini kwa kufuatia sheria za barabarani ili kuepuka ajali. Kauli mbiu ya Maadhimisho ya mwaka huu ni “Maamuzi yako Barabarani Hatma Yetu-Fikiri Kwanza”.

 Waendesha pikipiki (bodaboda) pia walishiriki kikamilifu katika uzinduzi wa maonesho hayo yaliyofanyika katika Kiwanja cha Mpira cha Amri Abeid, jijini Arusha jana. Kauli mbiu ya Maadhimisho ya mwaka huu ni “Maamuzi yako Barabarani Hatma Yetu-Fikiri Kwanza”.

 Trafiki Makao Makuu jijini Dar es salaam, Mkaguzi Msaidizi, Yohana Mjema (kulia), akitoa maelezo kwa mgeni rasmi Mkuu wa Mkoa wa Arusha, Magesa Mrongo (watatu kushoto), namna ajali barabarani zinavyoweza kuepukika endapo watumiaji barabara watakuwa waangalifu kwa kufuata sheria za barabarani. Mkuu wa Mkoa aliyazindua maonesho hayo ya Wiki ya Nenda kwa Usalama Barabarani katika Kiwanja cha Mpira Amri Abeid jijini Arusha jana. Wapili kushoto ni Naibu Waziri wa Mambo ya Ndani ya Nchi, Pereira Ame Silima, na kushoto ni Mkuu wa Kikosi cha Usalama Barabarani, Kamishna Msaidizi Mohamedi Mpinga.

FROM THE STATE HOUSE:PRESIDENT JAKAYA KIKWETE SPEAKS ON CLIMATE CHANGE IN NEW YORK

 President Dr.Jakaya Mrisho Kikwete delivers his opening remarks during a meeting of the Committee of African Heads of State and Government on Climate change(CAHOSCC) held today at the office of the Permanent Observer Mission of the African Union(AU) to the United Nations in New York. On the right is the Chairperson  of the African Union Commission Dr. Nkosazana Dlamini Zuma. In his remarks,President Kikwete who is also the Coordinator of CAHOSCC reiterated his call on the need for Africa to speak with one voice in advancing and championing the continent’s common position and interests on Climate Change.

Delegates who attended the session on Climate Change in New York. Photo by Freddy Maro-State House

TaSUBa YAASWA KUTOA MAFUNZO YA SANAA NA UTAMADUNI IILI KUKIDHI MAHITAJI YA SOKO LA AFRIKA MASHARIKI

 

 

 Benjamin Sawe, Bagamoyo

--

Taasisi ya Sanaa Bagamoyo imeaswa kuendelea kutoa mafunzo ya sanaa na utamaduni  ambayo yatakidhi mahitaji ya soko  kwa nchi za Afrika Mashariki. 

Hayo yamesemwa na Bw Makongoro Nyerere kwa niaba ya  Spika wa Bunge la Afrika Mashariki Mh. Margaret Ntantongo Zziwa katika Ufunguzi wa Tamasha la 33 la sanaa na utamaduni wa Mtanzania lililofanyika katika Taasisi hiyo mjini Bagamoyo jana

 

Bwana Makongoro alisema Sanaa na Utamaduni vinaweza  kutumiwa kuelezea masuala yote  yanayomuhusu binadamu na mazingira yake hususani suala zima la utaliii

VIDEO:Taarifa ya Habari Kutoka ITV: Bunge maalum la katiba limetoa azimio la kufanya marekebisho ya kanuni za bunge hilo ili kuweza kutoa ruhusa kwa baadhi wajumbe kuweza kupiga kura nje ya ukumbi wa bunge azimio ambalo limeibua mvutano kwa baadhi ya wabunge wakilipinga na kusema mfumo huo unaweza kutoa mwanya wa uchakachuliwaji kwa kura.

 

 

MKE WA RAIS MAMA SALMA KIKWETE AFUNGUA MKUTANO WA ELIMU: KUWAWEZESHA VIJANA KUFANYA MAAMUZI SAHIHI YA KIAFYA BARANI AFRIKA

 Mke wa Rais na Mwenyekiti wa Taasisi ya Wanawake na Maendeleo, WAMA, Mama Salma Kikwete akipokewa na Dkt. Peter Feiler, Mkuu wa Idara ya Ushirikiano wa Kiuchumi katika Wizara ya Ushirikiano wa Kiuchumi na Maendeleo ya Ujerumani wakati alipowasili kwenye Ofisi ya Ubalozi wa Ujerumani kwenye Umoja wa Mataifa huko New York alipokwenda kuhudhuria mkutano uliozungumzia masuala ya elimu: kuwawezesha vijana kufanya maamuzi sahihi ya kiafya tarehe 22.9.2014.

 Mke wa Rais Mama Salma Kikwete akihutubia mkutano wa masuala ya elimu kwa vijana wa bara la Afrika ili waweze kufanya maamuzi sahihi ya kiafya. Mkutano huo umeandaliwa na serikali ya Ujerumani na ulifanyika huko New York tarehe 22.9.2014

SHIRIKA LA NYUMBA LATOA MASHINE 28 ZA KUFYATULIA MATOFALI KWA VIJANA MKOANI PWANI

 Meneja wa Shirika la Nyumba mkoa wa Pwani Pauline Mrango akisoma Hotuba ya makabidhiano ya mashine 28 za kufyatulia matofali kwa vikundi vya vijana katika halmashauri zote za mkoa wa Pwani.Shirika la Nyumba la Taifa limetoa mashine hizo zenye gharama ya zaidi ya shilingi milioni 12 pamoja na mafunzo kwa vijana ya wiki mbili ambapo baada ya kumaliza mafunzo Shirika litatoa msaada wa shilingi laki tano kwa kila kikundi kama mtaji .

 Katibu Mkuu wa CCM Ndugu Abdulrahman Kinana akimpa mkono wa pongezi Meneja wa Shirika la Nyumba la Taifa mkoa wa pwani Pauline Mrango kwa kutoa mashine 28 za kuwasaidia vijana.

Katibu Mkuu wa CCM Ndugu Abdulrahman Kinana akikata utepe kuashiria makabidhiano ya mashine za kufyatulia matofali zilizotolewa na shirika la nyumba la Taifa kwenda kwenye halmashauri zote za mkoa wa Pwani.

Kipanya